Skip navigation
9

Össur

Össur var stofnað á Íslandi árið 1971 og er nú orðið alþjóðlegt heilbrigðistæknifyrirtæki sem hannar og framleiðir stoðtæki, spelkur og stuðningsvörur með það að markmiði að bæta hreyfanleika fólks. Við erum leiðandi afl á heimsvísu; hjá okkur starfa um 2800 starfsmenn í 20 löndum. Höfuðstöðvar fyrirtækisins eru á Íslandi en starfsstöðvar víða um heim sinna vaxandi markaði.

Össur er með starfsstöðvar í Bandaríkjunum, Kanada, Hollandi, Bretlandi, Frakklandi, Svíþjóð, Suður-Afríku, Brasilíu, Ástralíu, Suður-Kóreu og Kína og að auki með umfangsmikið net dreifingaraðila í öðrum löndum.

Hlutverk

Margir þurfa að lifa með líkamlegri fötlun af völdum sjúkdóma eða aflimunar. Okkar hlutverk er að gera því fólki kleift að njóta sín til fulls með bestu stoð- og stuðningstækjum sem völ er á. Áratuga þróunarstarf hefur skapað mikla þekkingu, sem gerir okkur kleift að rækja þetta hlutverk sífellt betur. Við viljum að vörur okkar og þjónusta fari fram úr væntingum viðskiptavina, því aðeins þannig verður Össur áfram leiðandi á sínu sviði.

Stefnumið

Stefnumið Össurar er að bæta hreyfanleika fólks með tækni, rannsóknum og nýsköpun. Við aðhyllumst mannleg gildi í hvívetna og vinnum náið með þeim sem þurfa á vörum okkar að halda. Þannig höfum við náð frábærum árangri í starfi og séð sýn okkar verða að veruleika - fólk yfirstígur líkamlega hindranir, fær notið sín til fulls og öðlast betra líf.

Nánari upplýsingar (á ensku)

Á alþjóðlegum vef Össurar, www.ossur.com/corporate, má finna nánari upplýsingar: