Mannauður

Mannauðurinn er hverju fyrirtæki dýrmæt eign.  Össur er hátæknifyrirtæki og árangur þess undir reyndu og hæfileikaríku fólki kominn. Við leggjum ríka áherslu á að laða að okkur hæft starfsfólk sem er tilbúið að leggja sig fram og sýnir frumkvæði.

Starfsánægja

Í síðustu vinnustaðagreiningu sem framkvæmd var kom fram að starfsmenn eru afar ánægðir í störfum sínum hjá Össuri.  Meðaleinkunn fullyrðingarinnar "Á heildina litið er ég ánægður í starfi mínu hjá Össuri" var 4.34, en hæsta mögulega einkunn er 5.0.

Almennar starfsumsóknir

Haldið er utan um allar umsóknir í tölvukerfi fyrirtækisins og því verða allar umsóknir að berast í gegnum starfsumsóknarform. Tekið skal fram að hægt er að setja viðhengi (ferilskrá) aftast í umsóknina.

Þegar umsóknin hefur verið send fær umsækjandi tilkynningu á skjáinn um að hún hafi borist Össuri. Umsóknir eru geymdar í sex mánuði. Að þeim tíma liðnum fær umsækjandi tilkynningu þess efnis að umsókninni hafi verið eytt. Farið er með allar umsóknir sem trúnaðarmál.

Ef staðfesting á móttöku umsóknar birtist ekki, eftir að starfsumsóknarformið hefur verið fyllt út og sent, vinsamlega látið vefstjóra vita.

Ef þú hefur áhuga á að starfa hjá Össuri, sendu þá tölvupóst á job@ossur.com